საქართველოს ფეხბურთის ფედერაციის ვებ-გვერდის ცნობით, ქეცბაიამ, რომელიც თბილისში სამშაბათ დილას ჩამოვიდა, არჩევანი შემდეგ მოთამაშეებზე გააკეთა:
მეკარეები: ნუკრი რევიშვილი ( "ანჟი”, რუსეთი), გიორგი ლორია ("დინამო”), გრიგოლ ბედიაშვილი ("ოლიმპი”);
მცველები: ალექსანდრე ამისულაშვილი ( "კაისერისპორი”, თურქეთი), კახი კალაძე ("ჯენოა”, იტალია), ზურაბ ხიზანიშვილი ("რედინგი”, ინგლისი), ლაშა სალუქვაძე, დავით კვირკველია (ორივე - "რუბინი”, რუსეთი), მალხაზ ასათიანი ("ლოკომოტივი”, რუსეთი), უჩა ლობჟანიძე ("დნიპრო”, უკრაინა), მათე ღვინიანიძე ("მიუნხენ 1860”, გერმანია), ნიკა კვეკვესკირი ("ბაია”);
ნახევარმცველები: ლევან კობიაშვილი ("ჰერტა”, გერმანია), გიორგი მერებაშვილი ("ვოივოდინა”, სერბეთი), ჯანო ანანიძე ("სპარტაკი”, მოსკოვი), გოგიტა გოგუა ("სპარტაკი”, ნალჩიკი, რუსეთი), ალექსანდრე კოშკაძე ("დინამო”), მურთაზ დაუშვილი ("ზესტაფონი”), დავით დევდარიანი ("ორჰუსი”, დანია);
თავდამსხმელები: ნიკა გელაშვილი ("ზესტაფონი”), ალექსანდრე იაშვილი ("კარლსრუე”), ლადო დვალიშვილი ("მაკაბი”, ჰაიფა, ისრაელი), დავით სირაძე ("სპარტაკი”, ნალჩიკი, რუსეთი).
საბერძნეთთან (1:1) და ისრაელთან (0:0) გამართული მატჩებისგან განსხვავებით, ქეცბაიამ გუნდში ოთხ ახალ ფეხბურთელს უხმო – დავით დევდარიანს, მურთაზ დაუშვილს, ნიკა კვეკვესკირსა და მათე ვაწაძეს, თუმცა როგორც მოგვიანებით გაირკვა, ეს უკანასკნელი ნაკრებს ტრავმის გამო ვერ დაეხმარება. თბილისის "დინამოს” ფორვარდს ორშაბათს გუნდის ვარჯიშზე ძველმა ტრავმამ შეახსენა თავი და თამაშს სავარაუდოდ სამი კვირის განმავლობაში ვერ შეძლებს. თუ ვინ დაიკავებს მის ადგილს ეროვნულ გუნდში, ხვალ გახდება ცნობილი.
ეროვნულ ნაკრებში პირველადაა გამოძახებული ზუგდიდის "ბაიას” 18 წლის მცველი ნიკა კვეკვესკირი, რომელიც ევროპის 2011 წლის შესარჩევ ციკლში 21-წლამდელთა ღირსებას იცავდა.
მალტასთან მატჩში, ნაკრებს დისკვალიფიკაციის გამო უჩა ლობჟანიძე დააკლდება, რომელმაც განვლილ ორ შეხვედრაში თითო ყვითელი ბარათი მიიღო. ეროვნული გუნდი 4 ოქტომბერს შეიკრიბება და სასტუმრო "ბომონდ გარდენში” დაბინავდება, სადაც ისრაელთან თამაშამდე ცხოვრობდა. საქართველოსა და მალტის ნაკრებთა შეხვედრა 8 ოქტომბერს ეროვნულ სტადიონზე 21:00 საათზე დაიწყება.