საშობაო და საახალწლო არდადეგების შემდეგ, ქართული კლუბებისთვის 2011 წლის საკალათბურთო სეზონი, 18 იანვარს, ზურაბ საკანდელიძე-მიხეილ ქორქიას მემორიალით დაიწყება, რომელსაც რუსთვი უმასპინძლებს. აღნიშნული ტურნირის დასრულების შემდეგ, 26 იანვრიდან 1 თებერვლის ჩათვლით, ქვეყნის თასი გათამაშდება, რომელიც ასევე რუსთავში ჩატარდება.
დღეს, თბილისის სპორტის სასახლეში, აღნიშნული ტურნირების კენჭისყრა გაიმართა.
საკანდელიძე-ქორქიას მემორიალზე სუპერლიგის გუნდებიდან ტურნირში მონაწილეობაზე უარი თქვეს "არმიამ”, "ქუთაისი-2010”-მა და "ბათუმმა”. ამრიგად, მემორიალში, რომელიც ჯგუფური სისტემით ჩატარდება, 8 გუნდი იასპარეზებს. ესენი არიან: შსს, სსაუ, თსუ, "ენერჯი ინვესტი”, "სოხუმი”, თსსუ, სტუ და "დინამო”. აღნიშნული გუნდები ორ ოთხგუნდა ჯგუფში გადანაწილდნენ. ჯგუფის გამარჯვებულები ფინალში გავლენ და 23 იანვარს, მთავარი პრიზისთვის იბრძოლებენ. მემორიალში მოასპარეზე გუნდები ქვეჯგუფებში ასე გადანაწილდნენ:

"ა” ჯგუფი: შსს, თსუ, სსაუ, თსსუ
"ბ” ჯგუფი: "ენერჯი ინვესტი”, "დინამო”, "სოხუმი”, სტუ

ჯგუფური ტურნირის შეხვედრათა განრიგი:
18 იანვარი
შსს-სსაუ 12.00 საათი
თსუ-თსსუ 14.00
"ენერჯი”-"დინამო 16.00
"სოხუმი”- სტუ 18.00

19 იანვარი დასვენების დღეა (ნათლისღება)

20 იანვარი
შსს-თსსუ 12.00
სსაუ-თსუ 14.00
"ენერჯი”-სტუ 16.00
"დინამო”-"სოხუმი” 18.00

21 იანვარი
სსაუ-თსსუ 12.00
"დინამო”-სტუ 14.00
"ენერჯი”-"სოხუმი” 16.00
შსს-თსუ 18.00

23 იანვარი
ფინალი - 16.00
მემორიალის მატჩებს "ენერჯი ინვესტის” საკალათბურთო დარბაზი უმასპინძლებს.
დუდუ დადიანისა და ზურაბ საკანდელიძე-ნოდარ ქორქიას მემორიალებისაგან განსხვავებით, სუპერლიგის გუნდებისთვის ეროვნული თასის გათამაშებაში მონაწილეობა სავალდებულოა. აღნიშნულიდან გამომდინარე, ეროვნული თასის, მე-8, 2011 წლის გათამაშებაში, სუპერლიგის 11-ვე გუნდი მონაწილეობს. ტურნირი ოლიმპიური სისტემით ჩატარდება. მეოთხედფინალში პირდაპირ არიან დაშვებულნი ის გუნდები, რომლებმაც საქართველოს მე-20 ეროვნული ჩემპიონატის პირველი წრის შემდეგ I-VII ადგილები დაიკავეს ("არმია”, შსს, "ქუთაისი-2010”, თსუ, "ენერჯი ინვესტი”, "სოხუმი” და თსსუ), რაც შეეხება IX-XI ადგილებზე მყოფ "ბათუმს”, სსაუ-სა და "დინამოს”, აღნიშნული გუნდები დარჩენილ ერთ ადგილს გაითამაშებენ.
საქართველოს თასი ორჯერ "თბილავიამშენს”, ხოლო თითოჯერ "ბასკოს”, "დინამოს”, სტუ-ს, თსუ-"ნიკორას”, "ენერჯი-ინვესტსა” და სსაუ-ს აქვთ მოგებული. აღნიშნული გუნდებიდან, "ბასკო” და "თბილავიამშენი” აღარ არსებობს, დანარჩენებს კი, მეორედ ეძლევათ თასის მოგების შანსი.

დარჩენილი ერთი ადგილის შესარჩევი მატჩები
26 იანვარი, ნახევარფინალი
1.სტუ-"ბათუმი” 12.00
2."დინამო”-სსაუ 14.00
27 იანვარი, ფინალი
I-ის გამარჯვებული II-ს გამარჯვებული 14.00

თასის მეოთხედფინალი
1. "არმია”-"სოხუმი” 12.00
2. შსს-თსსუ 14.00
3. "ენერჯი”-თსუ 16.00
4. "ქუთაისი-2010”-შესარჩევის გამარჯვებული 18.00

30 იანვარი
ნახევარფინალი
1. IV-II 16.00
2. III-I 18.00

1 თებერვალი
ფინალი - 17.00
საქართველოს თასის, მე-9 გათამაშების ფინალი, თბილისის სპორტის სასახლეში, ხოლო დანარჩენი მატჩები რუსთავში, "ენერჯი ინვეტის” დარბაზში ჩატარდება.

worldsport.ge