სულ რამოდენიმე წუთის წინ დასრულდა 2010 წლის მსოფლიოს ჩემპიონატის 1/4 ფინალური მატჩი გერმანიასა და არგენტინას შორის. გერმანიის ნაკრებმა თამაში ძალიან აქტირუად დაიწყო და უკვე მე–3 წუთზე მიულერმა თავური დარტყმით გახსნა ანგარიში. ამის შემდეგ არგენტინელები დაეუფლნენ უპირატესობას, თუმცა პირველი ტაიმში ანგარიში აღარ შეცვლილა. მეორე ნახევარში კვლავ ცდილობდნენ მარადონას შეგირდები ანგარიშის გათანაბრებას, თუმცა ამაოდ. დღეს კიდევ ერთხელ გამოჩნდა, რომ იოკიმ ლიოვს შესანიშნავი თავდასხმის ხაზი ჰყავს. 68–ე წუთზე პოდოლსკიმ კლოზეს შესანიშნავი პასი გაუკეთა, ამ უკანასკნელმაც ბურთი წყნარად შეაგორა ცარიელ კარებში. 74–ე წუთზე კიდევ ერთი შესანიშნავი კომბინაცია, შვაინშტაიგერის ბრწყინვალე თამაში და შესანიშნავი პასი საჯარიმოში, სადაც ფრიდრიხმა დაასწრო მცველებს და საბოლოოდ დაუსვა წერტილი მარადონას ოცნებებს. ამ დროისათვის თამაშს ნამდვილად არზი აღარ ჰქონდა. მატჩი დასასრულს უახლოვდებოდა და მიროსლავ კლოზემ დუბლის შესრულება მოახერხა. ტაბლოზე საბოლოო ანგარიში 4:0 დაფიქსირდა. ნამდვილად უნდა ვთქვათ, რომ ლიონელ მესიმ ვერაფრის გაკეთება ვერ მოახერხა. პრაქტიკულად ოთხივე გაშვებული ბურთი იყო არგენტინელი მცველების სასტიკი შეცდომების დამსახურება. ასე და ამგვარად გერმანიის ნაკრები შესანიშნავ მუნდიალს ატარებს და მართლაც დამსახურებულად გადის 1/2 ფინალში, სადაც მისი მეტოქე იქნება ან ესპანეთის, ან პარაგვაის ნაკრები